Интер договори хрватски талент

Интер е на пат да постигне договор со Хајдук (Сплит) околу доведувањето на централниот дефанзивец Бранимир Млaчиќ, пренесуваат од Италија и Хрватска.

Се смета дека најновата понуда на “нераѕурите” изнесува околу 5,5 милиони евра. Младиот дефанзивец ќе добие договор до летото 2030 година, а ќе остане во Хајдук на заем до крајот на оваа сезона.

Во миланскиот гигант се надеваат дека ќе успеат да ги спроведат медицинските прегледи на 18-годишниот талент во наредните денови. Млaчиќ се истакна во првиот состав на тимот од Сплит оваа сезона, играјќи 18 натпревари со 2 асистенции во сите натпреварувања. Исто така, тој дебитираше за Хрватска U21 во ноември.

Минатиот месец се зборуваше и за можноста Интер да доведе друг хрватски дефанзивец – Морис Валиnчиќ, по повредата на Денцел Дамфрис, но за 23-годишниот десен бек на Динамо (Загреб) интерес пројавуваат и Наполи и Рома.