Лионел Меси размислува за пензија: Сакам да имам сопствен клуб!

Лионел Меси, еден од најголемите фудбалски великани во историјата, најави дека во иднина повеќе би сакал да се занимава со сопствеништво на клуб отколку да биде тренер.

Поранешниот најдобар фудбалер во светот неодамна потпиша нов тригодишен договор со Интер од Мајами, но со оглед на тоа што има 38 години, почнал да се запрашува што ќе работи по завршување на кариерата. За една аргентинска телевизија изјави дека во овој период повеќе го привлекува идејата да биде сопственик на клуб отколку тренер.

„Не се гледам себеси како тренер. Имам интерес за менаџмент, но ако морам да изберам, би сакал да бидам сопственик на клуб. Би ми било задоволство да го водам клубот од самите почетоци, да ја изградиме средината и да им овозможиме шанса за развој на младите и сите кои се дел од клубот. Искрено, оваа улога најмногу би ми одговарала.”

Да потсетиме, Меси веќе е дел од сопственичката структура на уругвајскиот четвртолигаш Депортиво ЛСМ, заедно со неговиот соиграч Луис Суарез.