Полицаецот кој беше задолжен за безбедноста на фудбалската репрезентација на Франција е казнет со предвремено пензионирање откако од ѕвездата на тимот Килијан Мбапе примил дарежлив паричен подарок. Одлуката ја донесе Главната дирекција на националната полиција на Франција, а за случајот извести агенцијата AFP, повикувајќи се на пишувањата на весникот Le Monde.
Зошто проблемот со улични кучиња СÈ УШТЕ постои? | Уште еден поткаст
Адвокатот на полицаецот, Жан-Баптист Сифрон, порано изјави дека донацијата била потполно законска, извршена преку чек, и дека не постоела законска обврска таа да биде пријавена. Иако полицаецот беше предмет на административна истрага – и во октомври се појави пред дисциплинскиот совет кој не му изрече никаква санкција, се случи пресврт.
Неколку недели подоцна, на 20 декември, DGPN сепак ја донесе одлуката за неговото предвремено пензионирање. Како причина беше наведено тоа што за подарокот не ги информирал своите надредени.
Неговиот адвокат најави жалба на управниот суд, истакнувајќи дека одлуката на DGPN е контрадикторна, особено затоа што другите обвинувања против полицаецот беа отфрлени.
Учество во игри на среќа е дозволено за лица со 18+ години. Играј одговорно!