Последната снимка од Џошуа и неговиот пријател кој загина: Еве што правеа пред трагедијата (Видео)

Познатиот британски боксер Ентони Џошуа во понеделникот доживеа тешка сообраќајна несреќа во Нигерија, што за жал одзеде два човечки животи.

Иако Џошуа преживеа, двајца негови блиски пријатели и тренери трагично го изгубија својот живот. На социјалните мрежи се појави видео кое ги пренесува нивните последни среќни мигови снимени само неколку часа пред несреќата. Видео материјалот длабоко ги потресе луѓето ширум светот.

Станува збор за видео кое Џошуа претходно го споделил на својот Инстаграм профил. Во него, насмеан и опуштен, игра пинг-понг со еден од своите најблиски пријатели и тренери. Снимката е направена во тропска атмосфера, само неколку часа пред неговиот пријател да ја загуби животната битка во сообраќајната несреќа.

Да потсетиме, во несреќата загинаа кондицискиот тренер на Џошуа, Сина Гхами и тренерот Латиф Ајоделе. Трагедијата се случи кога нивното теренско возило се судрило со камион.

Ентони Џошуа беше хоспитализиран по несреќата, но лекарите потврдија дека повредите не се опасни по живот. Познатиот боксер престојуваше во Нигерија на одмор, по неодамнешната борба со Џејк Пол, но патувањето кое требаше да биде период на релаксација и прослава заврши во голема трагедија.

Anthony Joshua was playing table tennis 8 hours ago with his friend who had just passed away in the car crash.

Inna Lillahi wa inna ilayhi raji’un. pic.twitter.com/Y2ClcEFqfn

— Mukhtar (@I_amMukhtar) December 29, 2025