Кансело пред заминување од Барселона: Каде ќе продолжии?

Жоао Кансело е еден од фудбалерите кои се очекува да сменат екипа во зимскиот трансфер период.

Според информациите што ги пренесуваат арапските медиуми, тренерот на Ал Хилал, Симоне Инзаги, решил да не го вклучи Португалецот во составот за втората половина на сезоната, па се очекува да замине од Саудиска Арабија на зимскиот трансфер пазар.

Кансело јавно изрази желба да се врати во европскиот фудбал, особено сега кога се ближи Светското првенство 2026 година.

Тој сака да се натпреварува на највисоко ниво и да ја зголеми формата, бидејќи е важен дел од тимот на Роберто Мартинез.

Преку неговиот агент, Жорж Мендеш, Кансело се обидел да се врати во Барселона, но клубот од Каталонија не планира да го врати по неговата позајмица во сезоната 2023/24.

Кансело претходно настапуваше за Манчестер Сити, каде имаше несогласувања со Пеп Гвардиола, што доведе до негови позајмици во Бајерн Минхен и Барселона. Во Ал Хилал замина летото 2024 година за 25 милиони евра, а претходно играше за тимови како Бенфика, Валенсија, Интер и Јувентус.