По минатогодишната сезона, која беше најслабата за Пеп Гвардиола од кога тој е на кормилото на Манчестер Сити, јасно е дека шпанскиот стратег е решен да не се дозволат повторувања на такви резултати.
Граѓаните играат многу подобро од претходната сезона, што го докажуваат и резултатите бидејќи сè уште се во борба за речиси сите трофеи.
Воздухот што нè убива: Зошто Скопје е меѓу најзагадените градови?
Гвардиола одлучи да воспостави поголема контрола врз неговиот тим, што најдобро се гледа во одлуката што ја донесе пред играчите на Сити да заминат на заслужен одмор.
По победата над Вест Хем, играчите на англискиот клуб добија неколку дневно слободно време и успеаја да поминат со семејствата барем малку време пред новогодишните празници.
Сепак, тие веќе за Божиќ ќе мора да се вратат на своите клупски обврски бидејќи веќе на 27 декември играат против Нотингем Форест.
Поради тоа, Гвардиола реши да воведе посебно правило за да избегне сценарио што често се случуваше претходните сезони, при кое многу играчи на Сити успеале да добијат тежина во овој краток празничен период.
Затоа шпанскиот тренер најави дека секој играч на Сити мора да се измери пред да замине од тренинг центарот, а потоа ќе мора да се провери тежината по враќањето од одмор.
“Вчера сите играчи беа измерени. Сакам да контролирам колку килограми ќе добијат за време на одморите бидејќи тоа се случува секоја година. Тие мораат и сами да се контролираат во врска со храната, зголемувањето на тежината за толку краток период не е добро”, изјави Гвардиола и додаде.
“Ако некој се врати со три или повеќе кила од она што го имаше во петок, тогаш нема да патува на натпреварот против Нотингем Форест и ќе остане во Манчестер”.
Pep Guardiola is conducting weight checks to make sure his players don’t return ‘fatty’ from their Christmas break ⚖️
— Hayters TV (@HaytersTV) December 21, 2025
“Yesterday every player made weight. On the 25th I will be there controlling [them]. How many kilos [they] come up. They can eat but I want to control them.… pic.twitter.com/v41uqmQIMs
Инаку, натпреварот меѓу Нотингем Форест и Манчестер Сити ќе се игра на 27 декември од 13:30 часот, а веќе на 1 јануари Граѓаните ќе гостуваат на екипата на Сандерленд.
А, со тоа не завршува “жешката” програма за нив. Тимот на Гвардиола на 4 јануари ги очекува дерби натпревар против екипата на Челзи, а три дена подоцна на Етихад ќе го пречека тимот на Брајтон.
Потоа, веќе на 10 декември играат во ФА Купот против Ексетер, а на 13 јануари одат на гости кај Њукасл. Четири дена подоцна е на распоред големото градско дерби на Олд Трафорд меѓу Јунајтед и Сити.
Учество во игри на среќа е дозволено за лица со 18+ години. Играј одговорно!