Tрагедија во семејството на хрватскиот репрезентативец: Почина неговиот татко

Тажни вести пристигнуваат од Италија. Аталанта преку своите официјални профили потврди дека починал таткото на Марио Пашалиќ, Иван Пашалиќ. Во знак на почит и сочувство, божиќната вечера на Аталанта која беше планирана за среда вечер беше откажана.

“Семејствата Перкаси и Паглиука, раководството на клубот, тренерот Рафаеле Паладино и неговиот тим, соиграчите и сите вработени и соработници на Аталанта БК со големо сочувство се со Марио Пашалиќ поради загубата на саканиот татко. Марио во овој тежок момент добива најдлабока поддршка и наклонетост, како и израз на сочувство за семејството Пашалиќ и сите роднини и пријатели”, се вели во објавата на клубот.

“Моите се од Томиславград, сопругата е од Врлика, но веќе над 50 години сме во Каштела. Мене татко ми ме учеше да го сакам Хајдук, така и јас го поучував Марио. Ние секогаш први потпишувавме и стипендиски и професионални договори и тоа секогаш без трансфер надомест. Марио е дете на Хајдук, тука е израснат и воспитан. Хајдук му е сè”, изјави еднаш Иван Пашалиќ додека Марио играл за Хајдук.