Познатите добитници на престижните фудбалски награди The Best FIFA Football Awards за 2025 година ќе бидат откриени во вторник на церемонијата во Доха.
Церемонијата започнува во 18 часот по централноевропско време, а веќе сега почнаа да пристигнуваат гости во Катар.
Како екраните влијаат на детскиот развој? Разговор со дефектолог
Настанот ќе се одржи непосредно пред финалето на Интерконтиненталниот куп, каде на стадионот Ахмад бин Али ќе се сретнат екипите на ПСЖ и Фламенго. Главните награди за најдобрите играчи и тренери ќе бидат доделени на гала вечерата во Катарската сала, која се наоѓа во луксузниот хотел Fairmont.
Во текот на денот, ФИФА ќе ги соопшти победниците на наградите за најдобри навивачи, голмани, најубав гол, како и наградата за фер-плеј.
Во машката конкуренција за наградата The Best, номинирани се ѕвездите на Барселона – Ламине Јамал, Педри и Рафиња, напаѓачот на Реал Мадрид – Килијан Мбапе, и неколку играчи на европскиот шампион ПСЖ – Витиња, Нуно Мендеш, Осман Дембеле, кој е и актуелен освојувач на Златната топка, како и Ашраф Хакими, прогласен за најдобар играч на Африка за 2025 година. Еден од нив ќе го наследи Винисиус Жуниор, кој беше награден минатата година.
Церемонијата во Доха ќе ја проследат околу 800 гости, меѓу кои и претседателот на ФИФА, Џани Инфантино.
Победниците се избираат преку систем во кој гласовите на навивачите, капитените и селекторите, како и претставниците на медиумите имаат еднаква тежина (секој сегмент има 25% од гласовите).
Учество во игри на среќа е дозволено за лица со 18+ години. Играј одговорно!