Фудбалерот на Кремонезе Џејми Варди беше именуван денес за најдобар играч во Серија А за ноември и стана првиот англиски играч кој ја добил оваа награда.
Поранешниот капитен на Лестер одигра три натпревари во ноември во Серија А и постигна гол против Јувентус.
До кога ќе дишеме отровен воздух!? | Уште еден поткаст
“Варди секојпат покажува дека е играч од друга ера. Неговото доаѓање во Кремонезе беше со одушевување пречекано од сите навивачи на Серија А, а Варди им возвраќа со врвни изведби, вродено лидерство и важни голови, што е резултат на натпреварувачкиот дух и стрелачките вештини што секогаш го одликувале”, изјави извршниот директор на Серија А, Луиџи Де Серво.
Меѓу номинираните за наградата, која ги комбинира гласовите на навивачите со статистичките податоци, беа голманот на Милан Мајк Менје, Лаутаро Мартинез од Интер, Давид Нерес од Наполи, Лео Естигор од Џенова и фудбалерот на Удинезе Николо Заниоло.
Варди одигра 10 натпревари и постигна четири гола за Кремонезе, кој оваа сезона влезе во Серија А и се наоѓа на деветтото место на табелата.
Учество во игри на среќа е дозволено за лица со 18+ години. Играј одговорно!