Флик може да биде среќен: Падна важен потпис во Барселона!

Фудбалскиот клуб Барселона го продолжи договорот со стоперот Ерик Гарсија до 2031 година.

Ханси Флик не отстапуваше, клубот е генерално задоволен од него, а и тој лично е среќен затоа што растеше во Барса. Затоа, не постоеше пречка за да не се продолжи соработката.

Преговорите не беа кратки, траеја неколку месеци, но желбата на сите страни беше јасна.

“Тој е одличен играч. Интелигентен, флексибилен и професионален”, изјави Ханси Флик.

Важно е што Ерик Гарсија може да игра на неколку позиции. Германецот го користеше како стопер, бек, па дури и во средниот ред. Вистински универзалец.

Ерик Гарсија се врати во Барса во 2021 година по периодот проведен во академијата на Манчестер Сити.