Ван Перси се најде во проблеми, мораше да објаснува зошто го пуштил неговиот син да дебитира

Фудбалерите на Фејнорд доживеаја пораз од Селтик со 1:3 во петтото коло од Лига Европа во Ротердам, а со само три освоени бодови на нивниот конто, се соочуваат со потенцијална рана елиминација од ова натпреварување.

Овој холандски гигант ја продлабочи својата криза, затоа што сега има пет порази од последните шест натпревари во сите натпреварувања, а во домашното првенство заостанува зад лидерот ПСВ со шест бодови по 13 одиграни кола.

Тренерот Робин ван Перси е под огромен притисок од јавноста, а тој се зголеми уште повеќе по натпреварот со Селтик, пред два дена.

На резултат 1:2 во 80-тата минута, тој го испрати својот син Шакил на теренот. Младиот напаѓач, кој има 19 години, не успеа да го спаси тимот од пораз, а Селтик постигна уште еден гол до крајот на натпреварот.

По натпреварот, Ван Перси се соочи со прашања за лошата форма на тимот, како и за одлуката да го дебитира својот син во клучни моменти. Поранешниот напаѓач на Арсенал и Манчестер Јунајтед беше јасен:

“Одлуката ја донесов како тренер, не како татко. Имавме потреба од гол. Шакил е играч кој може да постигне гол од секоја ситуација. Тоа беше причината зошто го воведов. Од гледна точка на татко, кога вашиот син дебитира, тоа секогаш е посебен момент. Но, јас не се забавував со уживање во моментот, туку си ја вршев работата, како и Шакил”, изјави Ван Перси.