Напаѓачот Кристијан Пулишиќ и десниот халф-бек Алексис Салемакерс денеска ја напуштија тимската тренинг-сесија на Милан поради повреди, јавуваат италијанските медиуми.
Пулишиќ има мускулна замореност, а Салемакерс има болка во грбот. Според информациите, не станува збор за сериозни физички проблеми, и ќе се следи нивната состојба секојдневно.
Токму тие двајца го изработија победничкиот гол во дербито против Интер, кога ударот на Белгиецот беше одбранет, по што Американецот постигна гол од одбиена топка. На „Росонерите“ им претстојат два натпревари против Лацио – дома во Серија “А” во сабота и гостување во следниот четврток за Купот на Италија.
Во оваа сезона, Пулишиќ има 7 гола и 2 асистенции во 10 натпревари за Милан, додека статистиката на Салемакерс е 2 погодоци и 3 асистенции во 14 натпревари.
Учество во игри на среќа е дозволено за лица со 18+ години. Играј одговорно!