(Видео) Млад кошаркар во критична состојба: Пожарникарите го сечеле здробеното Ферари за да го извлечат

Тешка сообраќајна несреќа ја потресе Италија! Младиот и перспективен кошаркар Матео Бетанти (21) се наоѓа во критична состојба.

Сè се случило на една од најпрометните улици во Вигевано, и за среќа, во моментот на несреќата, во недела околу 19:30, на тротоарот немало минувачи, бидејќи инаку ќе настанеше вистинска трагедија.

Скапото Ферари наводно поради преголема брзина изгубил контрола и удрил во ѕидот на цвеќарница, при што настанала огромна штета. Возилото се изврте и застана на средина на патот, целосно здробено.

Во автомобилот биле двајца мажи, зад воланот бил младиот талентиран италијански кошаркар Матео Бетанти, а на местото на совозачот бил бизнисменот Алберто Ригини.

Пожарникарите морале да го исечат трупот на автомобилот за да ги ослободат заробените патници, младиот Бетанти бил во критична состојба, па со хеликоптер на итна помош го пренеле во болницата Нигуарда во Милано, каде се наоѓа на одделот за интензивна нега. Неговата состојба е сериозна, повредите се тешки.