Компани подготвува голем трансфер, Баерн веќе стапил во контакт со играч на Ливерпул

Во најновите извештаи кои доаѓаат од реномираниот германски медиум „Билд“, Баерн Минхен започна разговори со менаџментот на Ибрахима Конате, стоперот на Ливерпул.

Според информациите од Германија, францускиот стопер е на радарот на германскиот гигант кој планира промени во својот тим во летниот преоден рок.

Договорот на Конате со Ливерпул истекува следното лето, што го прави потенцијално многу атрактивно засилување за многу клубови, вклучително и Баерн Минхен. Доколку трансферот се реализира, Баерн би можел да има корист бидејќи би успеал да доведе квалитетен играч без да плати обештетување.

Еден од клучните фактори поради кои Баерн Минхен сериозно размислува за Конате е неговото искуство во Бундеслигата. Иако Французинот во моментов е играч на Ливерпул, во минатото веќе играше за РБ Лајпциг, каде стекна значително искуство во германското првенство.