Големо шоу за крај на годината: Сабаленка ќе игра против Кирјос!

Вистински тениски спектакл не очекува на самиот крај од оваа година. Во Дубаи, на 28 декември, ќе ги видиме Арена Сабаленка и Ник Кирјос лице в лице.

Станува збор за меч од серијалот “Битка на половите”, кој се одржува уште од 1973 година и претставува дуели помеѓу најдобрите тенисерки и тенисери.

Сабаленка, моментално најдобрата тенисерка на светот, ќе се соочи со Кирјос, кој е на 652. место на ATP листата.

View this post on Instagram

A post shared by Aryna Sabalenka (@arynasabalenka)

Интересно, двајцата се сметаат за најдобри сервери во своите категории, така што публиката во Кока-Кола Арената ќе ужива во вистински спектакл.

Серијалот “Битка на половите” започна во далечната 1973 година, кога се соочија Маргарет Корт и Боби Ригс, а победата ја однесе американскиот тенисер со резултат 6:2, 6:1.

Без сомнение, најпознатите дуели беа тие помеѓу Мартина Навратилова и Џими Конорс (5:7, 2:6), Жустин Енен и Јаник Ноа (6:4, 4:6: 6:7), Ли На и Новак Ѓоковиќ (3:2).