Алегри по нерешениот натпревар со Аталанта: Тимот треба да верува повеќе во себе

Фудбалерите на Аталанта и Милан одиграа нерешено 1:1 во деветтото коло на Серија А.

Милан поведе уште во четвртата минута кога Самуеле Ричи го постигна својот прв гол оваа сезона, додека израмнувачкиот погодок за Аталанта го постигна Адемола Лукман во 35-та минута. За Нигериецот, исто така, тоа беше прв гол оваа сезона.

По натпреварот, тренерот Масимилијано Алегри ги објасни своите одлуки за замените на Рафаел Леаo и Сантјаго Хименез, нагласувајќи дека неговиот тим “треба да има повеќе самодоверба во тоа што го работи”.

И покрај уште еден нерешен исход, стратегот на Росонерите најде причини за оптимизам, потенцирајќи ја реакцијата на тимот и покрај големиот број отсуства, пишува Football Italia.