Шкендија триумфираше во во Лигата на Конференции – Погледнете го голот за голема победа

Шкендија е првата екипа од првенството на Македонија која оствари триумф во групна фаза во едно европско натпреварување. На тетовскиот тим тоа му успеа со вечерашната победа над ирски Шелбург со минимални 1-0, со што ги освои првите три бода во групната фаза во Лигата на Конференции.

Првакот во ПМФЛ до триумфот стигна благодарение на автогол во последните мигови од мечот.

Претходно гостите од Ирска имаа статива и уште неколку шанси, додека почетокот на мечот му припадна на тетовскиот тим кој имаше исто така прилики порано да го отвори резултатот.

Во првото коло Шкендија беше поразена од шпански Рајо Ваљекано со 2-0. Во следното трето коло, тетовскиот тим исто така игра на домашен терен против полска Јагелонија.