Македонската фудбалска репрезентација вечерва го игра еден од најважните натпревари во квалификациите – мора да го совлада Казахстан, но ќе мора да ѝ оди во прилог и исходот од мечот меѓу Велс и Белгија.
Зошто проблемот со улични кучиња СÈ УШТЕ постои? | Уште еден поткаст
Со триумф над Казахстан, избраниците на Благоја Милевски ќе ја задржат лидерската позиција барем до последниот квалификациски прозорец. Сепак, за да ја задржиме првата позиција и да избориме директен пласман на Светското првенство, ќе бидат потребни и други резултати во наша полза.
Клучен ќе биде вечерниот дуел меѓу Велс и Белгија, кој започнува во ист термин – 20:45 часот. Од овој натпревар во голема мера ќе зависи судбината на Македонија во битката за врвот на табелата.
На „црвено-жолтите“ најмногу им одговара победа на Велс, со што последниот натпревар меѓу Македонија и Велшаните би станал директна пресметка за место на Мундијалот.
Доколку дуелот во Кардиф заврши без победник, нашите шанси за првата позиција ќе се сведат на минимум, а доколку Белгија победи – ќе биде јасно дека токму „црвените ѓаволи“ ќе бидат првите кои ќе го осигураат својот билет за Светското првенство.
Учество во игри на среќа е дозволено за лица со 18+ години. Играј одговорно!