„Штрковите“ останаа без тројца: Меќиќ замина незадоволен, двајца испратени на позајмица

Актуелниот македонски шампион и единствен претставник во АБА регионалната лига, не бележи добри резултати на стартот од новата сезона поради што во клубот се одлучија да направат одредени промени.

Изминативе денови бевме сведоци на рокадите во состабот на МЗТ, а денес уште еден играч го раскина договорот со клубот, додека двајца се испратени на позајмица во Струмица.

Бекот, Адем Мекиќ побара раскинување на договорот, со оглед на тоа дека е незадоволен од минутажата која ја има во МЗТ, така што клубот одлучи да му излезе пресрет. Меќиќ од почетокот на сезоната запиша четири настапи со просек од 3 поени по меч.

На позајмица се испратени Михајло Митев и Ранко Мамузиќ, кој во продолжението од сезоната ќе настапуваат за Струмица.

МЗТ од почетокот на месецот го ангажираше Доминик Мавра, Дејан Мајсторовиќ и Никола Павличевиќ, а клубот го напушти Брет Бејли по истекот на тромесечниот договор.