Фудбалерите на Ливерпул се соочија со непријатно искуство во Истанбул како вовед во вечерашниот натпревар од Лигата на шампионите против Галатасарај, кој е закажан за 21:00 часот.
Имено, навивачите на турскиот гигант преку ноќ направија спектакл со огномет пред хотелот каде што е сместена екипата на Арне Слот, со цел да им го нарушат сонот пред важниот меч.
Македонија се дави во ѓубре - решението го бараме во Данска
На социјалните мрежи се појавија видеа направени околу 2:00 часот наутро, кои го прикажуваат небото над хотелот како се осветлува од ракетите и силниот звук на експлозии.
Целта беше јасна – да се наруши сонот и одморот на играчите на Ливерпул, меѓу кои блескаат ѕвезди како Мохамед Салах, Александер Исак и Флоријан Вирц.
Фановите на Галатасарај пред @LFC хотел 🏨🧨pic.twitter.com/FkxogNYXw0
— indykaila News (@indykaila) September 30, 2025
Ваков “пламен дочек” е само сигнал за она што го чека англискиот тим вечерва на преполниот стадион Рамс Парк, каде Галатасарај традиционално има огромна поддршка од своите навивачи.
Истанбул е познат низ целиот свет по својата страсна фудбалска публика, а атмосферата на дербијата помеѓу турските гиганти Галатасарај, Фенербахче и Бешикташ се смета за една од најжестоките во фудбалот.
Вечерашната пресметка носи значаен влог за двата тима, и ќе биде интересно да се види дали оваа „тактика“ на домашните навивачи ќе има влијание на теренот.
Учество во игри на среќа е дозволено за лица со 18+ години. Играј одговорно!