Шок за еден од првите двајца фаворити: ЦИЕС го рангираше како седми!

Вечерва ќе биде познато кој ќе ја освои Златната топка. Фаворити се Усман Дембеле и Ламин Јамал.

Додека организаторите внимаваат информации да не испливаат во јавноста, дискусиите и прогнозите не запираат. Покрај интересот на јавноста, се вклучуваат и експерти, вклучувајќи го и CIES, Меѓународниот фудбалски институт со седиште во Швајцарија.

Според нивното истражување, предводник за Златната топка е Ламин Јамал, младиот талент на Барселона. Веднаш зад него се позиционира Килијан Мбапе од Реал, а трет е уште еден играч на Барселона, Педри Родригез.

По нив следат Вирџил ван Дајк од Ливерпул, па фудбалерот на Баерн, Микел Олис, и уште еден член на англискиот шампионат, Мохамед Салах.

На седмо место се наоѓа играчот на европскиот првак, Усман Дембеле кој во јавноста важи за главен фаворит со Јамал, а првите десет ги заокружуваат Џошуа Кимих (Бајерн), Ашраф Хакими (ПСЖ) и Винисијус (Реал Мадрид).