Мартинели го спаси Арсенал од пораз во дербито со Сити

Арсенал успеа да освои бод во дербито со Манчестер Сити благодарение на голот на резервистот Габриел Мартинели во 93-тата минута.

Тимот на Пеп Гвардиола беше многу блиску до победа пред Бразилецот да постигне прекрасен гол. Ерлинг Халанд го постигна првиот погодок на натпреварот во деветтата минута.

Средбата започна со високо темпо и обиди за напади од домаќините. Тимот на Гвардиола се справи успешно и во деветтата минута направи удар при својата прва атака. Величествен контранапад започнат од Халанд, со асистенција од Рајндерс, кој продоложи и ја подаде топката до Норвежанецот, а тој не погреши и го отвори резултатот.

Артета забележа дека работите не се одвиваат добро за неговиот тим и направи двојна замена на паузата. Тој ги пушти во игра Езе и Сака, кој се врати на теренот, на местото на Мерино и Мадуеке. Арсенал го започна второто полувреме со многу импулс.

Израмнувањето дојде со голот на резервистот Габриел Мартинели во 93-тата минута.