Анри без двоумење кажа кој мора да ја добие „Златната топка“

Како и сите други, и големиот Тиери Анри има свој фаворит за освојувањето на Златната топка пред церемонијата која ќе се одржи следната недела.

Името на добитникот на оваа престижна награда ќе биде познато следниот понеделник, а неколку навистина големи имиња беа во трка.

Осман Дембеле, Ламине Јамал, Килиан Мбапе и Мохамед Салах се само дел од имињата кои се поврзуваат со освојувањето на оваа награда.

Дембеле го водеше Пари Сен-Жермен до големи трофеи во изминатата сезона, вклучувајќи ја и Лигата на шампионите, додека Јамал блескаше во дресот на Барселона, а исто така и со Шпанија со која го освои Европското првенство.

Мбапе и Салах беа главни играчи во Ливерпул и Реал Мадрид минатата сезона.

По вчерашните натпревари од Лигата на шампионите, во кои меѓу другите победи запишаа екипите на Барселона и Манчестер Сити, Карагер и Анри имаа дискусија за Златната топка на CBS Sports.

Кејт Скот започна да го отвора оваа тема, а потоа Карагер и Анри ги кажаа своите мислења.

Карагер спомна шест имиња и смета дека еден од нив ќе ја освои Златната топка, а тоа се Дембеле, Мбапе, Салах, Јамал, Рафинја и Ашраф Хакими.

Кога станува збор за Анри, тој рече само едно име и подвлече дека тој мора да ја добие наградата.

“Дембеле, нема потреба ни да објаснувам зошто,” јасно беше Анри.