Менаџерот на Манчестер Јунајтед Рубен Аморим може да добие целосно неочекувана шанса да го напушти „Олд Трафорд“, тврдат денес бројни медиуми во Европа.
Кандидатот за претседател на Бенфика Жоао Норонја Лопес не ги крие своите планови да го ангажира токму португалскиот тренер кој би застанал на чело на „орлите“ од Лисабон, ако победи на изборите следниот месец.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Тој ќе се спротивстави во директен судир со сегашниот претседател на клубот Рои Кошта, кој се смета за фаворит. Самиот Лопес присуствуваше на трибините на „Етихад“ вчера, каде што одблиску го следеше тежокиот пораз на „црвените ѓаволи“ под водство на Аморим со 3:0 од градскиот ривал Манчестер Сити. Придружуван беше од потпретседателот на Бенфика и близок пријател на португалскиот тренер – Нуно Гомеш.
Самите менаџер на Манчестер Јунајтед е изложен на сè пожестока и поуништителна критика од аналитичари и локалните медиуми, бидејќи резултатите на 20-кратните шампиони под негово раководство продолжуваат да се многу лоши. Аморим има освоено само осум од 31 натпревар во Премиер лигата, а „црвените ѓаволи“ освоија најмалку бодови од сите 17 екипи кои се членови на највисокото ниво на англискиот фудбал од неговото назначување на 24 ноември 2024 година до денес.
На „црвените ѓаволи“ не им претстојат лесни натпревари и во следните недели, бидејќи веќе за викендот ќе го пречекаат Челси, а една недела подоцна ќе гостуваат на Брентфорд во Лондон. На почетокот на октомври, пак, ќе го пречекаат Сандерленд во последниот нивни натпревар пред октомврискиот прекин за националните селекции.
Учество во игри на среќа е дозволено за лица со 18+ години. Играј одговорно!