Jамал за првпат се огласи за скандалозните обвинувања од неговиот роденден: Ми беше многу смешно…

Младиот фудбалер на Барселона, Ламин Јамал, конечно проговори за контроверзиите кои го одбележаа славењето на неговиот 18-ти роденден ова лето. Талентираниот фудбалер беше под лупа на јавноста поради обвинувањата за злоупотреба на ниски лица и ангажирање жени според специфични физички атрибути, пишува Daily Mail.

Да потсетиме, Јамал во јули организираше забава за околу 200 гости, меѓу кои беа негови пријатели, семејство и соиграчи. Но, настанот брзо се најде на удар на медиумите поради спорните причини, а Јамал молчеше речиси два месеца.

Во интервју за шпанската емисија Resonancia de Corazon, Јамал изјави дека обвинувањата го забавувале повеќе отколку што го загрижувале.

“Не бев лут, ми беше смешно. Постојано се обидуваа да го прикажат случувањето негативно. Една жена рече дека сум ги бирал девојките на овој или тој начин, а сето тоа беше лага. Потоа, тука беше и работата со келнерите кои беа на забавата”, рече тој.