„НБА е модерно ропство“: Во Америка го третираат како „ѓубре“, а на Евробаскет е МВП

На Светското првенство 2023 година на Филипините беше МВП на турнирот, а сега две години подоцна на Евробаскет просечно бележи 20,1 поени, 5,9 асистенции и 3,3 скока и е еден од кандидатите за најкорисен играч на турнирот.

Само неколку месеци откако преживеа на еден ден четири пати да биде разменет, Денис Шредер како капитен ќе игра во полуфиналето на Евробаскет во кое неговата Германија е фаворит против Финска.

„Тоа е како модерно ропство. На крајот на приказната, тоа е модерно ропство. Секој може да одлучи каде одиш. Дури и кога имаш договор. Секако, заработуваме многу пари и можеме да ги прехраниме семејствата, но на крајот од денот тие само кажуваат: ‘Не се враќаш на работа утре, одиш таму’, тие го одлучуваат тоа. Мораат барем малку да го променат“, рече Шредер кога зборуваше за НБА размените, а потоа за еден ден тимот му беше променет четири пати!