Неверојатната кариера на Кристијано Роналдо продолжува да инспирира прекрасни приказни. Славниот Португалец, и во својата 40-та година, игра со врвна класа и на теренот и води битки со фудбалери на кои некогаш им бил идол. Една таква приказна објави The Sun.
Пред околу 16 години, осумгодишниот Доминик Собослај излезе на терен како едно од тие деца во квалификациска средба за Светското првенство 2010 помеѓу Унгарија и Португалија. На стадионот Ференц Пушкаш, тој тогаш беше само на неколку чекори од својот идол, Роналдо.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Вечерва, Собослај ќе ја предводи како капитен на Унгарија против Португалија, а на спротивната страна многу веројатно ќе стои токму Роналдо. Роналдо, кој исто така е капитен на својата репрезентација, во времето кога Собослај беше дете на теренот во 2009, имаше 24 години.
Зборувајќи за можноста конечно да игра против својот херој, Собослај изјави: “Играв со многу големи играчи, но никогаш не сум играл против него [Роналдо]. Тој ми беше идол од детството, и конечно дојде времето. Се надевам дека ќе биде позитивно искуство.”
🇭🇺 Утре Доминик Собослај повторно се сретнува со Кристијано Роналдо.
— Бенце Бочак (@BenBocsak) 8 септември 2025
Овојпат како капитен на својата земја и шампион на Премиер лигата.
📆 Враќање во 2009 кога беше само дете на теренот (стои пред Раул Меирелес). pic.twitter.com/LrEwTgn8sI
Учество во игри на среќа е дозволено за лица со 18+ години. Играј одговорно!