Во Денвер бесни на Пешиќ: Веќе не треба да ја води Србија!

Кошаркарската репрезентација на Србија изненадувачки беше елиминирана од Евробаскетот, а во Денвер имаа што да кажат по тоа прашање.

Србија загуби од Финска во саботата со резултат 92:86 во осминафиналето на Евробаскетот, а во Денвер реагираа силно против селекторот Светислав Пешиќ.

Аналитичарот на Денвер Нагетс, Ерик Седум, упати остри критики кон селекторот Пешиќ, кои беа пренесени и од „Basket News“.

„Целосно сум разочаран од тренерот Пешиќ. Ова треба да биде последен пат да го гледам како ја води Србија. Имав впечаток дека е како заспан зад воланот. Не видов никакви адаптации“, изјави Седум.

Тој продолжи со своите критики.

„Не знам што правеше. Брате, имаш други играчи. Марко Гудуриќ едноставно не придонесува. Каде е Маринковиќ? Пробај нешто различно. Зошто Аврамовиќ игра само 17 минути кога Стефан Јовиќ на теренот едвај дише“ истакна Седум во подкастот „DNVR Sports“.