Бојан Димоски повторно ќе игра во Србија

Македонскиот репрезентативец Бојан Димоски повторно ќе игра во српскиот шампионат, откако денеска официјално беше потврден неговиот трансфер во редовите на ТСЦ, договор кој веќе неколку дена се најавуваше.

Димоски беше дел од рускиот Амкар, а вториот дел од минатата сезона го мина како позајмен играч во Партизан. Сепак, во белградскиот клуб не доби поголема минутажа, па Амкар активно бараше решение за негова продажба, што резултираше со договор со ТСЦ.

„Бојан Димоски (2001) е нов член на ТСЦ. Тој доаѓа од рускиот Акрон, а претходно ја започна својата кариера во Тетекс, по што ги носеше дресовите на Вардар и Брера Струмица. Во Србија веќе има настапувано за Партизан, додека за македонската репрезентација има запишано 20 настапи. Добредојде во семејството ТСЦ“, соопштија од клубот.