Медведев направи чуден потег среде меч – ја стави главата во фрижидер (Видео)

Рускиот тенисер Данил Медведев направи необичен потег за време на натпреварот на Мастерс во Синсинати, обидувајќи се да се разлади поради високите температури и влажноста, но тоа не му помогна да избегне пораз.

Бившиот број 1 во светот, кој како 12. носител беше слободен во првото коло, го започна натпреварот со дуел против Австралијанецот Адам Волтон во втората рунда. Русинот го освои првиот сет со 7:6 (0), но во вториот изгуби 4:6.

Во одлучувачкиот сет, при водство на Волтон од 4:1, следеше пауза, а Медведев тогаш изведе необична сцена – буквално ја потопи главата во фрижидер покрај теренот за да се разлади. Снимената сцена брзо стана вирална на социјалните мрежи.

🥶 Медведев ја става главата во фрижидер за да се разлади за време на паузата pic.twitter.com/M6ijtng6xa

— Оли Тенис 🎾🇬🇧 (@Olly_Tennis_) 10 август, 2025

Фото: Принтскрин