Фудбалерот на Ливерпул, Мохамед Салах, ја критикуваше Европската фудбалска унија (УЕФА) поради тоа што во прощалната објава не ги спомна околностите на смртта на Суљеман ал-Обеид, легендарниот палестински репрезентативец познат како „Палестинскиот Пеле“.
Според наводите на Фудбалската федерација на Палестина (PFA), Обеид (41) загина во среда на југот на Газа кога израелските сили нападнаа цивили кои чекаа хуманитарна помош.
Кој е фаворит за трофејот во Првата лига!? | Overtime with TJ
УЕФА во петокот на мрежата Х објави: „Збогум Суљеман ал-Обеид, „Палестинскиот Пеле“. Талент кој им даваше надеж на безброј деца, дури и во најмрачните времиња.“ Салах еден ден подоцна одговори: „Можете ли да ни кажете како загина, каде и зошто?“
Обеид од дебито во 2007 година собра 24 натпревари за репрезентацијата на Палестина и постигна два гола, вклучувајќи ножички против Јемен на првенството на Западна Азија 2010. Во текот на кариерата постигна повеќе од 100 голови, со што стекна статус на едно од најголемите фудбалски имиња во земјата.
Фото: Grok AI
Учество во игри на среќа е дозволено за лица со 18+ години. Играј одговорно!