Трибините ќе бидат полни, но мечот меѓу Македонија и Романија ќе може да се гледа и на ТВ

Македонската кошаркарска репрезентација денеска го започнува својот настап во претквалификациите за Светското првенство во 2027 година. Првиот предизвик за избраниците на селекторот Марјан Илиевски е натпреварот против селекцијата на Романија, кој ќе се одигра вечерва во спортската сала во Куманово.

Интересот за мечот е огромен – сите билети се распродадени, а салата ќе биде исполнета до последното место. Домашната публика подготвува жестока поддршка од трибините, со надеж дека токму таа ќе биде дополнителен мотив за нашите кошаркари да го отворат циклусот со победа.

За сите оние што немаат можност да бидат присутни во салата, натпреварот ќе биде пренесуван во живо на Македонската радио-телевизија (МРТ).

Фото: КФМ