Шкендија со минимални 1-0 го доби првиот дуел против ФКСБ (поранешна Стеауа) на арената „Тодор Проески“ во Скопје, а утре во Букурешт ќе се игра реваншот кој ќе реши дали тетовскиот тим ќе продолжи во третото квалификациско коло од Лигата на шампионите или ќе мора да се пресели во Лига Европа.
Романските медиуми јавуваат за огромен интерес кај навивачите на ФКСБ, според информациите од таму, досега се продадени 22.000 билети за натпреварот на Националната арена. Со капацитет од околу 30.000 гледачи, извесно е дека стадионот ќе биде исполнет до последното место или барем многу блиску до тоа.
Скопје троши вода како да има 1 милион жители! Каде е проблемот? ↓↓↓
Тетовци имаат предност од првиот меч, во кој одиграа цврсто, дисциплинирано и со многу самодоверба. Сега ги чека вистински испит на зрелоста пред жешката публика во Букурешт.
Ако успеат да ја задржат предноста од Скопје, ќе ги чека нова голема шанса во квалификациите за ЛШ. Во спротивно, битката за европска есен ќе ја продолжат во Лига Европа.
Учество во игри на среќа е дозволено за лица со 18+ години. Играј одговорно!