Ова би било шок во Мадрид: Една од глаавните ѕвезди може да замине – Перез не сака да ги исполни неговите желби!

Реал Мадрид размислува да се раздели со Винисиус Жуниор, еден од своите најважни играчи, кој во тимот има исто толку значајна улога како и Џуд Белингем и Килијан Мбапе.

Според информациите од Mundo Deportivo, Кралскиот клуб сериозно разгледува опции за продажба на Винисиус, чиј договор истекува во летото 2027 година. Долго време не се постигна договор за продолжување на соработката меѓу двете страни.

Винисиус моментално има договор вреден 15 милиони евра нето по сезона, но доколку не се постигне договор, тој ќе може за година и пол да преговара со други клубови без дозвола од Реал.

Шпанскиот весник посочува дека барањата на Винисиус од управата на Реал се нереални, бидејќи тој сака да ги изедначи своите примања со оние на Мбапе.

Поранешниот играч на ПСЖ добива 15 милиони евра по договорот, но покрај тоа има и бонус за потпишување со Реал како слободен играч, што достигнува 40 милиони евра нето за пет сезони откако неговиот договор со ПСЖ истекна на 30 јуни минатата година.

Тие износи се околу 8 милиони евра за секоја од петте сезони. Ако ги собереме двата износа, договорот на Французинот изнесува 23 милиони евра нето (46 милиони евра бруто) по сезона.

Овие износи не се прифатливи за Флорентино Перез и управата на Реал кога станува збор за Винисиус, и поради тоа се подготвени да го продадат Бразилецот.

Изедначувањето на платата на Винисиус со онаа на Мбапе би значело зголемување на неговите приходи за речиси половина, што е особено проблематично по јасниот пад во формата на Бразилецот во последната сезона.