Челси го освои Светско клупско првенство откако во финалето на стадионот на Џајантс во Њу Џерси го победи ПСЖ со 3:0. Стрелци беа Кол Палмер во 22-та и 30-та, и Жоао Педро во 43-та минута. ПСЖ така не успеа да го освои четвртиот голем трофеј оваа сезона, но не жали поради тоа, напротив.
Тоа го откри претседателот Насер Ал-Хелаифи, кој вака одговори на новинарското прашање дали по тешкиот пораз во финалето чувствува фрустрација или гордост: „Многу сме горди! Она што го направивме оваа сезона е величествено. Вистина е дека го загубивме финалето на Светското првенство, но тоа е фудбал. Горд сум на мојот тим. Овој пораз е добар за нас бидејќи мораме да останеме скромни.“
Воздухот што нè убива: Зошто Скопје е меѓу најзагадените градови?
ПСЖ така со пораз го заврши најдобрата сезона во историјата на клубот во која го освои француското првенство, националниот куп и Лигата на шампионите, додека на клупското Светско првенство дојде до финалето.
Фото: Принтскрин
Учество во игри на среќа е дозволено за лица со 18+ години. Играј одговорно!