Легендарниот холандски тренер Луи ван Гал (73) објави нови детали за неговата борба со ракот на простата и напредокот што го постигнал во закрепнувањето. Во разговор за телевизиската емисија „Хумберто“, Ван Гал потврди дека повеќе нема симптоми на болеста и дека се чувствува повторно силен и здрав.
„Пред две години бев неколку пати на операција и состојбата беше лоша, и физички бев многу слаб, но сè добро заврши. Веќе немам проблеми со ракот, но сè уште одам на прегледи на секои три месеци”, рече Ван Гал. „Тогаш ми го мерат нивото на ПСА и тоа е 0.0. Тоа е добар знак, и не се шири понатаму. Се чувствувам во сè подобра форма. Имам 73 години, дали ви изгледам лошо?”
Вардар, Работнички, Силекс, Шкендија – Кој ќе блесне во Европа!? ↓↓↓
Поранешниот селектор на холандската репрезентација призна дека му беше најтешко да се појавува во јавност додека минуваше низ најтешката фаза на болеста. „Не чувствував голема болка. Ужасно ми беше тоа што морав да носам пелени. Имав многу јавни настапи и затоа секогаш носев многу темни панталони за ништо да не се види. Тоа не е пријатно, особено затоа што сè уште сум јавна личност. Кога ти се случува такво нешто, не ти е лесно.”
Фото: Принтскрин
Учество во игри на среќа е дозволено за лица со 18+ години. Играј одговорно!