Џон Тери: Азар имаше огромен талент, но не му беше важно

Џон Тери е еден од најдобрите стопери на 21. век. Професионалната кариера на легендата на англискиот фудбал и Челси траеше од 1998 до 2018 година. Во лондонскиот клуб одигра 717 натпревари и освои 15 трофеи, а пензионираше како член на Астон Вила. За англиската репрезентација забележа 78 настапи и постигна шест гола.

Тери во разговор за talkSPORT зборуваше за богатата кариера, омразата кон ривалот од Лондон, Тотенхем, конфликтите на тренинг, Еден Азар но и за модерниот фудбал. Во среда вечер гостуваше во емисијата Wimbledon Unfiltered со австралискиот тенисер Ник Кирјос и водителот Гордон Смарт.

„Азар имаше најголем талент во светот, но доаѓаше на тренинг и не му беше важно. Под Мурињо се подготвувавме за натпревар со Вест Хем, беше тактички тренинг… По десет минути Еден вели: ‘Зошто го правиме ова? Против кого играме утре?’

Не знаеше против кого играме… Само рече: ‘Дајте ми ја топката, 1:0’. Мурињо му го симна маркерот и му кажа дека нема да почне натпреварот. Но јас, како капитен, им реков на останатите играчи дека мораме да тренираме уште посилно затоа што тој во сабота ќе не извлече.

Фото: Принтскрин