Во почетокот на Светското клупско првенство, Килиан Мбапе се најде со стомачни проблеми кои доведоа до болничко лекување и го спречија да настапи на поголемиот дел од натпреварите. Сега е откриено што навистина му се случи.
Според извештајот на L’Équipe, Мбапе веќе се чувствувал лошо пред да патува со Реал Мадрид кон Мајами, каде започнало првенството.
Вардар, Работнички, Силекс, Шкендија – Кој ќе блесне во Европа!? ↓↓↓
Неговата состојба нагло се влошила. Добил треска и симптоми на акутен гастроентеритис, поради што на 18 јуни вечерта бил примен во болница за понатамошни испитувања.
Откако поминал ноќ во болницата, бил отпуштен наредниот ден попладне. Во почетокот се сомневале на топлотен удар, бидејќи кога пристигнал во Мајами се почувствувал лошо, но по дополнителните прегледи, лекарите дури помислиле и на воспаление на слепото црево.
Сепак, тестовите откриле дека вистинската причина за проблемите била труење со храна – најверојатно бактерии од пилешко месо.
Со поставување на дијагнозата, Мбапе постепено се опоравил и се вратил на тренинзи, но физички доживеал значителен удар – изгубил шест килограми поради болеста. Промената во неговиот изглед по излегувањето од болница била драстична.
Учество во игри на среќа е дозволено за лица со 18+ години. Играј одговорно!