Во Аталанта не штедат: Платија 20 милиони евра за 17-годишник!

Онест Аханор е најновото засилување на Аталанта.

Станува збор за фудбалер кој игра со левата нога и е роден во 2008 година, за кого беа издвоени дури 16 милиони евра, плус дополнителни 4 милиони во бонуси.

Тој е првиот фудбалер од генерацијата 2008 што започна натпревар во Серија А, играјќи за Џенова против Јувентус.

Неговото потекло е нигериско, но тој е роден во Италија, а Аталанта гордо го објави неговото доаѓање на својот официјален веб-сајт.

Ова е сигурно инвестиција за иднината, иако цената изгледа висока за млад играч кој има само 17 години…

Аханор се позиционира како дефанзивец, првенствено на левата страна, познат по својата брзина и сила, токму поради што Аталанта го купи од Џенова.