Познато каде и кога ќе се одржи погребот на Жота и неговиот брат

Погребот на напаѓачот на Ливерпул, Диого Жота, и неговиот брат, Андре Силва, ќе се одржи во сабота во 10 часот по локално време во португалскиот град Гондомар.

Браќата како што е познато загинаа во сообраќајна несреќа во близина на Самора, Шпанија, во четвртокот.

ESPN потврдува дека погребот ќе се одржи во црквата Матриц де Гондомар, која е оддалечена 33 километри од Порто. Обредот на испраќање ќе се одржи од 16 часот по локално време во петок.

Семејството и пријателите денеска биле приссутни во црквата каде што се донеле нивните тела.

Двата тела пристигнале во погребни коли непосредно пред полноќ во Гондомар, местото на раѓање на Силва и Жота.