Фудбалската федерација на Македонија (ФФМ) и шпанската Ла Лига најавија почеток на долгорочно партнерство кое ќе се фокусира на едукација, размена на искуства и развојни програми. Ова беше потврдено на денешната средба во Скопје, на која присуствуваа претставници на двете институции.
„Фудбалот е универзален јазик кој поврзува луѓе и култури. Преку соработка со институции како ФФМ, сакаме да изградиме долгорочни партнерства кои ќе ја збогатат фудбалската сцена и ќе донесат нови можности за младите“, изјави претставникот на Ла Лига, Естебан Касадо. Тој, заедно со амбасадорот на Шпанија во Македонија, Рафаел Сороано Ортоз, и заменикот шеф на мисијата во Скопје, Паула Навајо Гомез, беше примен од претседателот на ФФМ, Масар Омерагиќ, и генералниот секретар, Леонид Јандреоски.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Од ФФМ изразија благодарност за посетата и отвореноста за конкретни идни проекти, особено во доменот на едукација и менторство на млади тренери преку партнерства со шпански клубови и поддршка од Ла Лига. „Вложувањето во знаење и искуство е најдобар начин да обезбедиме одржлив развој на нашиот фудбал“, изјави Јандреоски.
Фото: ФФМ
Учество во игри на среќа е дозволено за лица со 18+ години. Играј одговорно!