Јаник Синер водечки на ATP листата, го изненади тенискиот свет со одлуката пред Вимблдон да ги отпушти двајцата свои тренери, Улисес Бади и Марко Паники. Тој рече дека не се случило ништо сензационално и дека само решил да направи нешто поинакво, но многу беа шокирани од таа одлука. Еден од нив е и Новак Ѓоковиќ.
За многумина најдобриот тенисер на сите времиња, освојувач на 24 Гренд слем титули, 40 Мастерс турнири и вкупно 100 ATP турнири, беше замолен пред почетокот на Вимблдон да го коментира потегот на Синер. Тој го пофали работењето на отпуштените двајца со кои и самиот соработувал и призна дека е изненаден.
Исхрана, повреди и тренинг – совети од доктор по спортска медицина | Уште еден поткаст
„Работев со Мацко и Ули, мислам дека се големи професионалци и дека многу допринеле за мојот успех. Искрено, не знам зошто Синер го направи тоа. И јас бев изненаден бидејќи сметав дека неговата игра и физичката подготвеност значително напредувале во последните година и пол, а тие беа важен дел од тој тим”, рече Ѓоковиќ.
Фото: Принтскрин
Учество во игри на среќа е дозволено за лица со 18+ години. Играј одговорно!