Македонската младинска ракометна репрезентација продолжува со одличните настапи на Светското првенство, забележувајќи ја и втората победа, овојпат над селекцијата на Бразил. По драматичен меч кој во регуларниот дел заврши 34-34, младите „црвено-жолти“ славеа по изведувањето на пенали, благодарение на херојските одбрани на голманот Галевски.
Зошто проблемот со улични кучиња СÈ УШТЕ постои? | Уште еден поткаст
Натпреварот, кој се играше во рамки на разигрувањето за пласман од 25 до 28 место, започна со изедначено темпо – двете селекции постојано се менуваа во водство. Сепак, во финишот на првото полувреме избраниците на селекторот Раде Стојановиќ покажаа поголема концентрација и обезбедија водство од три гола на пауза (18-21).
Во вториот дел, Бразил значително го подигна нивото на игра и веќе по пет минути го израмни резултатот на 22-22. Потоа следуваше пад во играта на Македонија, што противникот го искористи за да поведе со четири гола разлика (29-25).
Но, македонските млади ракометари покажаа борбен дух и успеаја да се вратат во игра. Со гол постигнат осум секунди пред крајот на натпреварот, Македонија израмни на 34-34 и избори пенал-серија.
Токму тука блесна голманот Галевски, кој со две клучни одбрани на седмерци им ја донесе победата на своите соиграчи, обезбедувајќи нов триумф за Македонија на светската сцена.
Учество во игри на среќа е дозволено за лица со 18+ години. Играј одговорно!