Славниот италијански клуб во натпревар во кој настана хаос избегна катастрофа

Иако навивачите и клубот Сампдорија веќе прифатија дека ќе испаднат во Серија Ц, сепак се случи неочекуван пресврт.

Повеќе од месец дена по завршувањето на регуларниот дел од сезоната во Серија Б, се случи изненадување – Бреша банкротираше, што отвори можност за уште еден клуб да остане во втората лига.

Овој административен хаос и даде шанса на Сампдорија, наместо Бреша, да учествува во разигрувањето за опстанок. Нивни противник беше Салернитана, а тимот од Џенова ја искористи можноста на најдобар можен начин.

Во првиот натпревар од разигрувањето, Сампдорија победи со 2:0 на домашен терен. Во реваншот го повторија истиот резултат кога натпреварот беше прекинат поради хаос на трибините. Гневните навивачи на Салернитана, разочарани од испаѓањето во третата лига, фрлаа столици и предмети на теренот, што доведе до прекин на натпреварот.

На крај, со двојна победа (вкупно 4:0), Сампдорија го обезбеди опстанокот во Серија Б, додека Салернитана по низата проблеми и драматична сезона преминува во Серија Ц. Оваа приказна уште еднаш го покажува колку може да биде непредвидлив светот на италијанскиот фудбал, не само на теренот, туку и надвор од него.