Фудбалер на Палестина загина во израелски напад

Абдула Мазен Хавила, фудбалер од националниот тим на Палестина, трагично го загуби својот живот во вторникот за време на израелските напади на Појасот Газа, соопшти Фудбалската федерација на Палестина.

Овој 25-годишен играч беше член на клубот Јабалија, а според палестинските извори, починал додека чекал медицинска помош откако бил ранет.

Хавила беше дел од генерацијата млади играчи кои ја претставуваа својата земја во екстремно тешки услови, а неговата смрт е уште еден од низата загуби кои го потресуваат палестинскиот спорт среде конфликтите.

Нападите на Израел на Газа се одолговлекуваат веќе месеци, а бројот на жртви меѓу цивилите, меѓу кои и спортисти, постојано расте.

استشهاد لاعب نادي خدمات جباليا، عبد الله مازن حويلة، جراء العدوان الإسرائيلي pic.twitter.com/U1iDBtbCyw

— Palestine Football Association (@Palestine_fa) June 17, 2025