Ѕвездата на Борусија Дортмунд сака само во Челзи

Крилото на Борусија Дортмунд, Џејми Бајноу-Гитенс не сака да слуша понуди од други клубови и единствена негова желба е да се пресели во Челзи, објавува трансфер експертот Фабрицио Романо.

Двата клуба активно преговараа пред почетокот на Светското клубско првенство, но не успеаја да постигнат договор. Според трансфер експертот Фабрицио Романо „сините“ понудија 50 милиони евра, но таа понуда беше одбиена.

Разговорите помеѓу двата тима продолжуваат, но не е јасно дали од „Стадион Стемфорд Бриџ“ се подготвени да упатат зголемена понуда.

Самиот Бајноу-Гитенс веќе се договори со Челзи за 7-годишен договор. Тој имаше одлична сезона во Борусија (Дортмунд) со осум голови и 4 асистенции во 32 натпревари во Бундеслигата. Челзи веќе донесе тројца фудбалери пред почетокот на Светското клубско првенство – Лиам Делап, Дарио Есуго и Мамаду Сар.