„Ми треба конекција за да почувствувам што секој играч треба. Знам дека сум тренер, но сакам да бидам блиску до сите”, изјави Чаби Алонсо при претставувањето во Реал. Неговиот пристап, заснован на блискост и разбирање со играчите, мораше брзо да созрее, бидејќи баскискиот експерт сѐ уште не успеа да одржи ниеден целосен тренинг со сите играчи на располагање, а веќе за три дена му следува првиот натпревар.
„Сѐ мора да се забрза затоа што имаме малку време да се запознаеме и да тренираме. Ќе почнеме да ја градиме екипата затоа што имаме само три тренинга пред првиот натпревар. Дојдовме полни со ентузијазам и со голема желба да одиграме добар турнир и да стигнеме до крајот”, изјави Алонсо за ДАЗН по пристигнувањето на тимот во хотелот Four Seasons Palm Beach.
Сè што треба да знаете за НОВИОТ формат на Светското клупско првенство! ↓↓↓
Првиот заеднички тренинг ќе се одржи во недела, а на него ќе учествуваат и последните репрезентативци кои се вратија во кампот. Винисиус Јуниор, Арда Ѓулер и Андриј Лунин пристигнаа во кампот пред Светското клупско првенство, на кое Реал Мадрид ќе дебитира во среда, 18 јуни, против Ал Хилал на стадионот Хард Рок во Мајами.
„Првите контакти беа многу позитивни, малку по малку ги запознаваш играчите и воспоставуваш таа неопходна врска”, изјави Алонсо по првите денови поминати со играчите.
Фото: Grok AI
Учество во игри на среќа е дозволено за лица со 18+ години. Играј одговорно!