По четири и пол години игра во Динамо, македонскиот дефанзивец Стефан Ристовски (33) го заврши своето поглавје во клубот, објави тимот на својот сајт. Во својата кариера во Динамо одигра 185 официјални натпревари, постигнувајќи седум голови и забележувајќи 21 асистенција. Со додадени пријателски натпревари, овој број се зголемува на 206.
На терен секогаш го носеше дресот на Динамо со гордост и на крајот стана еден од заменик-капитените на тимот, наведоа во честитката за разделбата од Максимир, посветувајќи и видео на Ристовски.
Дејан Димовски: Скопје троши 700 литри вода дневно по жител | Уште еден поткаст ↓↓↓
Во видеото, Ристовски чита писмо кое го напиша за семејството на Динамо и за навивачите. Истото видео на својот Инстаграм профил го сподели и ѕвездата на Јунајтед, Бруно Фернандеш, кој заедно со Ристовски играше во Спортинг.
Португалскиот фудбалер при споделениот видео-клип напиша: “Заслужуваш се најдобро, не само на зелениот терен, туку и во животот! Ти си брат!”
Учество во игри на среќа е дозволено за лица со 18+ години. Играј одговорно!