Новиот директор на Јувентус откри кој ќе го води тимот во следната сезона

Новиот генерален менаџер на Јувентус, Дамиен Комоли, потврди дека тренерот Игор Тудор ќе го води тимот и во следната сезона. Директорот на “Старата дама” ја објави веста за време на нејзината прва прес-конференција пред италијанските медиуми.

“Чест ми е да бидам генерален менаџер на Јувентус. Пораснав следејќи го овој клуб и восхитувајќи се на неговите големи шампиони, како и на победничката организација што го разликува. Јувентус отсекогаш бил пример за пример. Се сеќавам како го посетував “Деле Алпи” како скаут. Секогаш многу ја ценев културата на овој клуб“.

„Сакам да потврдам дека Игор Тудор ќе биде тренер на Јувентус и во следната сезона. Веќе му го соопштив тоа, а работиме заедно. Знаеме дека сме многу престижен клуб и дека има многу шпекулации, но јасно потенцирам дека Тудор ќе остане на чело на тимот. Со што ме убеди? Кога го водеше Марсеј, ме победи двапати (се смее – забелешка од редакцијата). Таму направи исклучителна работа. Се сеќавам на моите средби со Тудор во Лига 1 и на тоа какви беа интензитетот и посветеноста на неговиот тим, што навистина ме импресионираше”, коментира поранешниот претседател на Тулуз.