Официјално: Интер го презентираше новиот тренер

Интер сега има нов тренер. Од клубот објавија дека Кристијан Киву ќе го преземе тимот. Романецот потпиша двегодишен договор со „нероазурите“. Тој ќе го замени Симоне Инзаги, кој замина по четири години на „Сан Сиро“.

Киву доаѓа од Парма, каде што работеше околу четири месеци, но го задржа тимот во Серија А. Тој е поранешен играч на Интер, а помеѓу 2018 и 2024 година работеше со младинските екипи на „нероазурите“. Тоа што добро го познава клубот ќе му помогне, бидејќи нема да има многу време до почетокот на Светското клупско првенство.

Минатата сезона претставуваше разочарување за Интер, кој беше насочен кон три трофеи, но остана без ниеден. Тимот заврши втор во Серија А, бидејќи беше надминат од Наполи, испадна од Милан во полуфиналето на Купот на Италија и загуби од Пари Сен Жермен на финалето во Лигата на шампионите.